Është miratuar në mbledhjen e Qeverisë, shqyrtimi i projektligjit për shpronësimin e pronës së paluajtshme.
Ministri i Mjedisit dhe Planifikimit Hapësinor dhe Infrastrukturës, Liburn Aliu tha se përmes këtij ligji synon në plotësimin e prioritetit të Qeverisë për rritjen e sigurisë dhe të drejtave pronësore në Kosovë.
“Hartimi i këtij projektligji dhe propozimi për zbatimin më të lehtë të tij rezultojnë në plotësimin e prioritetit të Qeverisë për rritjen e sigurisë dhe të drejtave pronësore në Kosovë”, ka deklaruar ai në mbledhjen e Qeverisë.
Aliu shtoi se për përgatitjen e këtij projektligji janë konsultuar ekspert nga niveli lokal, qendror dhe shoqëria civile. Sipas tij, projektligji nuk përmban elemente diskriminuese dhe nuk nevojiten mjetet e konsiderueshme buxhetore.
“Projektligji në fjalë është i hartuar në harmoni me standardet evropiane me një koncept feksibil të zbatueshme në sistemin juridik të Republikës së Kosovës. Për përgatitjen e këtij projektligji janë konsultuar ekspert nga niveli lokal dhe qendror, shoqëria civile, publiku dhe të tjerët. Ky projektligj nuk përmban elemente diskriminuese dhe për zbatimin e tij nuk nevojiten mjetet e konsiderueshme buxhetore”, tha Aliu.