Pesë nga nëntë të lënduarit në Prizren me granatë dore mëngjesin e së mërkurës po trajtohen nëpër klinikat e QKUK-së, raporton teve1.info
Gazetarja Albiona Hajdari e cila po qëndron në QKUK, tha se të lënduarit kanë pësuar lëndime në regjionin e qafës, mushkri dhe lëndime në këmbë e duar.
Lajmin për Tëvë1 e ka konfirmuar shefi i ndërrimit në Emergjencën e KQUK-së, Avdush Bajgora, i cili ka thënë se njëri nga pacientët po trajtohet në Klinikën e Kirurgjisë Torakale.
“Shefi i ndërrimit në Emergjencë, dr. Avdush Bajgora thotë se pesë pacientët kanë pësuar lëndime. Dy pacientë janë lënduar në regjionin e qafës, kanë lëndime të ekstremiteteve. Dy pacientët tjerë kanë lëndime në mushkëri, ku njëri prej tyre do të shtrihet në Kirurgjinë Torakale dhe te pacienti i pestë ka lëndime të ekstremiteteve”, ka njoftuar gazetarja Hajdari nga Emergjenca e QKUK-së.