Asnjë person nuk është lënduar nga zjarri që ka përfshirë një pjesë të objektit të Institutit të Mjekësisë Ligjore në Prishtinë.
Kështu ka bërë të ditur për teve1.info, zëdhënësja e policisë për rajonin e Prishtinës, Flora Ahmeti, e cila tha se zjarri që kishte përfshirë dy zyre tashmë është lokalizuar.
“Sot rreth orës 08:00, është raportuar se në Institutin e Mjekësisë Ligjore në Prishtinë, dy zyra janë përfshirë nga zjarri. Policia menjëherë ka dalë në vendin e ngjarjes, po ashtu edhe zjarrfikësit të cilët kanë lokalizuar zjarrin. Nuk raportohet për persona të lënduar”, ka deklaruar ajo.
Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen.