Dy qytetarë janë arrestuar në Rajonin e Prishtinës lidhur me një vjedhje të rëndë të ndodhur në dhjetor të vitit të kaluar në Austri, raporton teve1.info
Sipas njoftimit të Policisë, gjatë bastisjes në katër lokacione lidhur me këtë rast, janë gjetur dhe sekuestruar një sasi e stolive të arit, dy automjete dhe 156 fishekë, kurse rasti është cilësuar si vjedhje e rëndë.
Të dyshuarit janë dërguar në mbajtje.
“Austri 12.12.2022-15.01.2023. Lidhur me rastin, njësitë policore në koordinim me prokurorinë dhe gjykatën kompetente, me datë 14.11.2023 kanë arrestuar dy të dyshuar meshkuj kosovarë, ndaj të cilëve ishte i lëshuar urdhër arrest ndërkombëtar për veprat penale të kryera në Austri, si dhe kanë kryer bastisje ne 4 lokacione të ndryshme ne rrethinën e Prishtinës. Gjatë bastisjeve, në cilësi të dëshmive materiale janë sekuestruar një sasi e stolive të arit, dy automjete si dhe 156 fishek të kalibrit 9 mm. Të dyshuarit me aktvendim te prokurorit kompetent janë dërguar ne mbajtje”, thuhet në njoftimin e Policisë.
