Ministrja e Arsimit, Arbërie Nagavci të martën ka zhvilluar takim me drejtorët komunal të arsimit.
Në njoftimin e saj në Facebook, Nagavci tha se ka informuar drjtorët e DKA-ve për punën që po bënë MASHT-i , në funksion të përmirësimit të kushteve në arsim e në veçanti, ngritjes së cilësisë.
Nagavci, ka përmendë disa segmente që është duke i punuar me intensitet të lartë.
“Hartimin e ligjeve të ndryshme dhe udhëzimeve administrative, Rregulloren për punësimin e stafit arsimor, Rishikimin e teksteve shkollore, Ndërtimin e infrastrukturës së re shkollore, Furnizimin e shkollave me pajisje të ndryshme”, ka shkruar ajo.
Tutje, ajo ka falënderuar drejtorët e DKA-ve për punën e tyre gjatë dy-mujorit të parë të vitit shkollor 2023-2024.
“Si rezultat i përkushtimit të lartë, procesi mësimor në këtë periudhë kohore ka rrjedhur mbarë dhe pa ndonjë vështirësi të theksuar”, shkroi Nagavci.
