Njësia për Hetimin e Krimit të Organizuar, në kuadër të Drejtorisë për Hetimin e Krimit të Organizuar dhe Krimeve të Rënda të PK-së, sot ka bërë realizimin e një urdhër-kontrolli për veprën penale “Importi, eksporti, furnizimi, transportimi, prodhimi, këmbimi, ndërmjetësimi ose shitja e paautorizuar e armëve apo materieve plasëse”.
Sipas njoftimit, gjatë këtij operacioni është bërë kontrollimi i shtëpive me objektet përcjellëse dhe e një lokali në 11 lokacione e katër rajone.
Derisa bëhet e ditur se janë gjetur dhe sekuestruar armë e fishekë.
“Gjatë këtij operacioni policor, sot, me datën 02.11.2023, është bërë kontrollimi i shtëpive me objektet përcjellëse dhe e një lokali në njëmbëdhjetë (11) lokacione, në katër rajone: Prishtinë, Pejë, Mitrovicë dhe Gjilan. Gjatë kontrollit të lokacioneve të lartcekura janë gjetur dhe janë sekuestruar dëshmitë materiale si në vijim: dy pushkë automatike AK 47, dy pushkë gjuetie, një pistoletë, pesë karikator, njëqind e gjashtëmbëdhjetë fishekë të kalibrave të ndryshëm etj”, thuhet në njoftim.
Teksa në polici janë shoqëruar dhjetë persona dhe pas intervistimit të tyre të njëjtit janë liruar në procedurë të rregullt./teve1.info./