Ministria e Ekonomisë i ka kërkuar minatorëve t’i kthehen punës dhe ta ndërprejnë grevën e filluar katër ditë më parë, raporton teve1.info
Përmes një njoftimi në faqen e Ministrisë në Facebook, thuhet se çdo ditë mospune e kësaj ndërmarrjeje, Trepçës i kushton 40 deri në 50 miëj euro dhe e vështirëson mundësinë e pagesës së pagave, për të cilat minatorët kanë hyrë në grevë.
“Çdo ditë mospune, Trepçës i kushton 40-50 mijë euro dhe vështirëson operimin e ndërmarrjes dhe mundësinë për të paguar pagat me kohë”, thuhet ndër të tjera në regaim.
Ministria e ka përmendur ndarjen e mjeteve për Trepçë, derisa ka shtuar se është e përkushtuar ta ndihmoj këtë ndërmarrje si dhe të gjitha ndërmarrjet publike.
“Përgjatë ditëve të fundit, Ministria e Ekonomisë ka mbajtur kontakt të rregullt me Bordin e Përkohshëm të Drejtorëve (BpD) të NP Trepça sh.a., të cilët kanë raportuar rregullisht mbi zhvillimet në Trepçë.
Ne jemi të brengosur që përkundër kërkesave të vazhdueshme të Bordit, nuk janë raportuar informatat në lidhje me organizatorët e grevës, numrin e saktë të grevistëve dhe gjendjen shëndetësore të secilit prej tyre, kohën e hyrjes dhe daljes së grevistëve dhe personave të tjerë në minierë.
Nga Bordi jemi informuar se kërkesat e grevistëve fillimisht, më datë 24 tetor 2023, kanë qenë si vijon:
“1. ekzekutimi i pagave për muaj të bëhet nga data 1 deri me datën 10 në muajin pasues;
2. shkarkimi i ushtruesit të detyrës së kryesheshefit aktual dhe mos emërimi i ndonjë kryeshefi të harxhuar;
3. menaxhmenti i ardhshëm të mundësoj sigurim shëndetësor;
4. menaxhmenti i ardhshëm të siguroj mjete dhe kushte më të mira të punës.””, thuhet ndër të tjera në njoftimin e Ministrisë.