Ministrja e Punëve të Jashtme të Kosovës, Donika Gërvalla, i ka bërë thirrje Bashkimit Evropian të sanksionojë Serbinë për sulmin e 24 shtatorit të në veri të Kosovës.
Thirrja e saj ka ardhur pasi Serbia, refuzoi të nënshkruaj marrëveshjen për normalizimin e raportëve me Kosovën në takimin e së enjten në Bruksel.
“Serbia ka refuzuar edhe një herë përpjekjen për normalizimin e marrëdhënieve me Republikën e Kosovës. Ne i bëjmë thirrje Bashkimit Evropian që të sanksionojë Serbinë për aktin e agresionit kundër Kosovës më 24 shtator 2023. Çdo vonesë do të shërbejë vetëm për të nxitur përshkallëzimin e mëtejshëm”, ka shkruar ajo në platofrëm X.
Kurit e Vuçiq kanë zhvilluar takime të ndara në Bruksel, me kancelarin e Gjermanisë, Olaf Scholz, me presidentin e Francës, Emmanuel Macron, kryeministren e Italisë, Giorgia Meloni, presidentin e
Këshillit Evropian, Charles Michel, zëvendëspresidentin e Komisionit Evropian dhe përfaqësuesin e Lartë për Politikë të Jashtme dhe të Sigurisë, Josep Borrell, si dhe emisarin e tij, Miroslav Lajcak.
Kryeministri i Kosovës, Albin Kurti, thotë se pavarësisht festës së tij, Serbia ka refuzuar të nënshkruajë marrëveshjen dhe draftit e 21 tetorit.
Kurti, ka bërë të ditur se presidenti i Serbisë, Aleksandër Vuçiq, ka kërkuar një letër anësore që do të anulonte tri parime të marrëveshjen themelore, Aneksin dhe propozimin e 21 tetorit.
Ndërsa, Vuçiq tha se Serbia s’do të nënshkruajë asnjë marrëveshje që nënkupton njohjen e pavarësisë së Kosovës
