Deputeti i Partisë Demokratike të Kosovës, Ferat Shala ka kritikuar Qeverinë e Republikës së Kosovës për qasjen ndaj grevës së punëtorëve të minierës së Trepçës.
Ferati gjatë fjalimit të tij në Kuvend, tha se si Grup Parlamentar i PDK-së janë të gatshëm të kontribojnë dhe t’i mbështesin punëtorët grevistë të Trepçës.
Derisa ka ftuar gjithë deputetët e Kuvendit që të shkojnë ti vizitojnë minatorët, të bisedojnë me ta dhe ti nxjerrin ata nga greva.
Kjo pasi sipas tij, Qeveria nuk po ka guxim për një veprim të tillë.
“Ju ftoj që menjëherë sot të formohet një grup i deputetëve të të gjithë subjekteve politike, ti vizitojmë atje minatorët e ngujuar në zgafellë, të bisedojmë sy me sy. Nëse Qeveria nuk shkon dhe s’ka guxim, të shkojmë na si parlamentarë ti nxjerrim nga greva, t’ua plotësojmë kërkesat dhe të fillojnë proceset që sapo i ngrita më lartë. Në të kundërtën jam thellë i bindur që neve do të ballafaqohemi në kontinuitet me këto sfida ekonomike, sociale rreth Trepçës dhe resurseve të saj “, tha Shala./teve1.info