Lëvizja Vetëvendosje ka publikuar një video të sulmit terrorist serb në Banjskë të Zveçanit, ku në këtë sulm një muaj më parë mbeti i vdekur rreshteri i Policisë së Kosovës, Afrim Bunjaku.
Në videon e publikuar në faqen zyrtare të Vetëvendosjes thuhet se sulmi në Banjskë i zhveshi pretendimet e Serbisë mbi territorin e Kosovës.
Derisa nga kjo parti kanë kërkuar sanksione ndaj Serbisë.
“Policia e Kosovës e kontrollon secilën pjesë të territorit të Republikës së Kosovës. Menduan që vetëm mund të hyjnë dhe nuk i prekë askush në synimet e tyre terroriste… Shtetet që sponsorizojnë terrorizmin si Serbia mund të provojnë skenar të ngjashëm sërish, por përgjigja do të jetë edhe më vendimtare”, thuhet në video.
Ndryshe, përgjegjësinë për sulmin e kishte marrë ish-nënkryetari i Listës Serbe, Milan Radojçiq.