Deputeti i pavarur i Kuvendit të Kosovës, Haki Abazi ka deklaruar se Lëvizja Vetëvendosje po e bojkoton veten për të satën herë me mosprezencën e saj në Kuvend ku po diskutohet për Propozim –Rezolutën për Policinë e Kosovës.
Madje Abazi këtë veprim të VV-së e cilësoi si vetëgoditje, vetërrëzim e dorëzim para vetëvetes.
“Nëse jeni tu e pa vërtetë që pozita për të satën herë e saboton vetën. Kjo në demokracitë parlamentare është njëfarë vetëgoditje, vetërrëzm dhe dorëzim para vetëvetes, sepse edhe po të jetë e vërtetë ajo që është duke përgatitë një paketë ligjore, amandamentim të ligjit për rrezikshmërinë, sigurimin shëndetësorë, për policët kjo nuk është metoda, sepse janë metoda të ulta. 3 vite pas kur një parti opozitare pjesë e demokracisë nëse doni quane të kriminalizuar, nëse doni lerjani fajin për gjithçka, ama guximin me ikë prej demokracisë nuk mundet me pasë kërkush, sidomos ju”, tha Abazi në Kuvend.
Derisa ka thënë se ka pasë të vrarë për kauza të rrejshmë të VV-së, përderisa tash të njëjtit për poena politik publikojnë fotografi në Facebook me familjarë të policëve të vrarë.
“Ata që kanë gjuajtë gaz lotësjellës e kanë godit shtetin me molotov, ka pasë të vrarë për kauza të rrejshme, dalin blejnë lule të Holandës për me i qitë në varrezat e policëve të vrarë, e ju përqafin anëtarët e familjes kur vriten. Ata për poena politik e për foto të Facebookut, por kur vjen puna për debat përmbajtësorë demokratik nuk guxojnë me qenë këtu”, shtoi ai
Ndryshe, Kuvendi i Kosovës e ka filluar seancën plenare ku është paraparë të diskutohet për rezolutën për Policinë e Kosovës.
Deputetët e pushtetit e kanë bojkotuar këtë seancë për herë të dytë./teve1.info./