Bekim Kupina, këshilltar për Media i presidentes, Vjosa Osmani ka deklaruar se në shënimin e festës së Darkës së Lamës të mbajtur sonte në kampin “Enver Zymberi” në Mitrovicë, kanë qenë prezentë gjysma e pjesëtarëve të Njësisë Speciale Intervenuese (NJSI).
Kjo pasi sipas Kupinës, pjesa tjetër ka qenë në ndërrim, derisa të njëjtëve u është dërguar ushqimi në vendin e punës.
Përveç tyre prezentë kanë qenë edhe familjet e policëve të rënë në detyrë.
“Ka qenë aktiviteti i cili i është dedikuar policëve të rënë në detyrë. Prezentë kanë qenë familjet e të gjithë policëve të rënë në detyrë dhe qindra policë nga disa njësite”, tha ai, për teve1.info.
Në disa media është raportuar se një pjesë e Njësisë Speciale Intervenuese (NJSI) nuk kanë marrë pjesë në këtë organizim
Ndryshe, presidentja Osmani ka publikuar fotografi nga kjo ngjarje./teve1.info./