Policia e Kosovës ka njoftuar se mbrëmë në fshatin Prelluzhë të Vushtrrisë janë gjetur një pushkë automatike AK-47, një pushkë gjysmë automatike, tre karikatorë, 360 fishekë të kalibrit 7.62 mm, 4 granata dore dhe një tromblon.
Siç thuhet mjetet shpërthyese nga vendi i ngjarjes janë tërheqë nga njësiti i FSK-së, kurse armët dhe municioni janë tërheqë nga njësitë policore.
“Fsh. Prelluzhë, Vushtrri 16.10.2023 – 15:00 Dëshmitari mashkull kosovar ka raportuar se derisa kishte qenë duke mbledhë hekurina në një vend ku hidhen mbeturina kishte hasë në armë zjarri dhe mjete shpërthyese. Njësitë relevante policore kanë dalë në vendin e ngjarjes në të cilin vend janë gjetur: një pushkë automatike AK-47, një pushkë gjysmë automatike, tre karikatorë, 360 fishekë të kalibrit 7.62 mm, 4 granata dore dhe një tromblon. Në vendin e ngjarjes kanë dalë edhe njësitë relevante të FSK-së dhe KFOR-it. Mjetet shpërthyese janë tërheqë nga njësiti i FSK-së, kurse armët dhe municioni janë tërheqë nga njësitë policore”, thuhet në njoftim.
Lidhur me rastin është njoftuar prokurori i cili e ka bërë cilësimin e rastit dhe vazhdon të hetohet.
