Një qytetar ka raportuar në Polici se derisa ishte duke vozitur veturën e tij, një person e ka ndaluar në rrugë dhe duke e mbajtur dorën në brez i ka dhënë urdhrin të dalë nga vetura.
Ankuesi ka deklaruar se ai person ia ka vjedhur veturën dhe është larguar në një drejtim të panjohur, raporton teve1.info
Rasti ka ndodhur mbrëmë në rrugën “Kemajl Hetemi” në Ferizaj.
Policia e Kosovës në raportin ditor thotë se rasti është duke u hetuar.
“Rr. Kemajl Hetemi, Ferizaj 14.10.2023-22:30 . Viktima mashkull kosovar ka njoftuar se deri sa ishte duke drejtuar veturën e tij, e ka ndaluar i dyshuari mashkull i cili duke e mbajtur dorën në brez e ka urdhëruar që të dal nga vetura me ç’rast ia ka marrë veturën dhe është larguar. Rasti duke u hetuar”, thuhet në njoftim./teve1.info/
