Egzona Hoxhaj, asambliste e PDK-së në Prizren ka thënë se jo të gjithë drejtorët e shkollave në Prizren janë nga kjo parti, ashtu siç po akuzohen nga LVV.
Ajo në emisionin “Info Nata“ tha se në këtë komunë ka drejtorë edhe nga LVV.
“Sa i përket pozitave udhëheqëse është një deklaratë nën betim që kandidatë që aplikojnë për drejtorë të shkollave e bëjnë nënshkrimin dhe betohen për sa kanë qenë të kyçur politikisht. Aty thuhet që ata duhet më pas pozita udhëheqëse. Na si PDK, pasi këta edhe po i referohen një shembulli konkret një zgjedhje të fundit, pra të një drejtoreshe, por ne nuk kemi parë asnjë dokumente as një fakt që zonja në fjalë ka qenë e përzgjedhur politikisht, ose ka pozite. Nuk e dimë ne që ka qenë në pozita udhëheqëse. Me pas një bindje politike është diçka shumë personale dhe secili prej neve e kemi një bindje. Ka drejtorë të shkollave edhe të LVV-së”, ka deklaruar ajo.
Ndërsa, Karanfil Haxhillari – shef i Grupit të Asamblistëve të LVV-së në Prizren ka thënë se shumica e drejtorëve janë nga PDK-ja dhe se punësimet janë partiake.
