Karanfil Haxhillari – shef i Grupit të Asamblistëve të LVV-së në Prizren ka thënë se kjo komunë nuk ka pasur qeverisje me të keqe se kjo aktuale që është në krye me kryetarin, Shaqir Totaj.
Ai tha se kjo qeverisje ka filluar me skandale dhe se transparencë nuk ka.
Haxhillari në emisionin “Info Nata” në Tëvë 1 tha se Totaj nuk është duke punuar për qytetarët, por për disa individë dhe biznese që e kanë përkrahur dhe vazhdojnë ta bëjnë.
“Prej fillimit të qeverisjes të kryetarit Totaj nuk ka pasur qeverisje më të dobët deri sot…as qeverisje të mëparshme me të dobët. Ka filluar me skandale, vazhdon me skandale. Mund të them se vetëm transparencë, demokraci kjo qeverisje nuk ka. Pra qeverisje që nuk është për qytetare, por për persona të caktuar, individ të caktuar dhe ekskluzivisht për biznese të cilët e kanë mbështetur dhe e mbështesin”, ka deklaruar ai.
