Deputeti i Lidhjes Demokratike të Kosovës Armend Zemaj, ka deklaruar se është për keqardhje dhe për turp mungesa e shumicës parlamentare në debatin në Kuvendin e Kosovës.
“Është për keqardhje mungesa e shumicës parlamentare është për turp, për temën për të cilën është thirrë debati dhe jo e moralshme që të përsëriten gjykimet e fotografitë e njëjta për policët që humbin jetën duke mbrojtur sovranitetin dhe ligjshmërinë në territorin e Kosovës. Këtë sjellje po dëshiron dikush ta shëndrrojë në normë dhe praktikë dhe nuk i kontribon zhvillimit të demokracisë dhe as vendit. Nëse kërkesa e opozitës është e papranueshme për shumicën parlamentare, a është e pranueshme peticioni i më shumë se 62 për qind i Policëve të Kosovës i dërguar dhe nënshkruar në Kuvendin e Kosovës”, tha Zemaj në fjalimin e tij në Kuvend.
Ndryshe, shefja e Grupit Parlamentar të VV’së, Mimoza Kusari- Lila ka thënë sot se kjo parti nuk do të marrë pjesë në seancën e ftuar nga opozita për miratimin e rezolutës për mbështetje për Policinë e Kosovës.
Kusari-Lila tha se rezoluta e propozuar nga PDK nuk a të bëjë me gjendjen apo statusin e Policisë së Kosovës.
Teksa deputetet e opozitës kanë vendosur nga një fletë në secilën karrige të deputetëve e të kabinetit qeveritar, ku shkruan “E harruat Policinë”./teve1.info./
