Policia e Kosovës ka arrestuar dy persona pasi dyshohet se kanë plagosur një person tjetër në Prizren.
Përmes një komunikate, bëhet e ditur se këtij të fundit i është ofruar menjëherë ndihmë mjekësore dhe sipas mjekut kujdestar, gjendja e tij është stabile.
“Me datën 10.10.2023 rreth orës 14:30 Stacioni Policor Prizren ka pranuar informacion se në rrugën ‘’Transiti i vjetër’’ në Prizren pas një zënke në mes të viktimës mashkull kosovar shqiptar, viti i lindjes 1966 dhe të dyshuarve Sh.M. (viti i lindjes 1993) dhe D.M. (viti i lindjes 1991), dyshohet se njëri nga të dyshuarit ka shtënë me armë zjarri në drejtim të viktimës me ç’ rast i ka shkaktuar lëndime trupore. Njësitet policore relevante me urgjencë i janë përgjigjur rastit. Viktimës i është ofruar ndihmë mjekësore në qendrën emergjente në spitalin rajonal të Prizrenit dhe sipas mjekut kujdestar gjendja e tij është stabile. Zyrtarëve policor kanë arrestuar dy të dyshuarit e lartëcekur dhe në vendin e ngjarjes është konfiskuar edhe një (1) revole e tipit Cervena Zastava e kalibrit 7.65 mm dhe gjashtë (6) fishekë të cilat do të përdorën dëshmi për gjykatën”, thuhet në komunikatë.
Më tej, thuhet se Prokuroria e shtetit e ka cilësuar “Vrasje në tentativë”./teve1.info/.
