Sky News shkruan se kryeministri i Kosovës, Albin Kurti, është shfaqur i nervozuar dhe indinjuar në intervistë, pasi po kërkon nga komiteti ndërkombëtare një reagim më të ashpër ndaj Serbisë.
Kurti ka theksuar edhe një herë se sulmi ishte i orkestruar nga Beogradi.
“Ata [Serbia] e mohojnë sepse po luajnë me librin e lojërave të Putinit në Donbas. Burra të veshur me të gjelbër në pjesën veriore të Kosovës. Jo pak, por njerëz të gjelbër që donin të fillonin një luftë dhe ta ndanin Kosovën”, ka thënë Kurti.
Sipas mediumit britanik, ajo që ka ndodhur më 24 shtator tregon ndërlikimet e strukturës së jetës në Kosovë dhe kjo nënkupton që “s’duhet të ketë vend vetëkënaqësi”.
Tutje ky medium potencon se “Ajo që është e pamohueshme është se tensionet mbeten jashtëzakonisht të larta dhe fantazma e një lufte tjetër në Evropë duket e madhe”, dhe se këmbanat e alarmit po bien në Bruksel dhe përtej Atlantikut në SHBA.