Gjatë qëndrimit në Spanjë, presidentja e vendit, Vjosa Osmani ka takuar sot kryeministrin britanik, Rishi Sunak.
Në një postim në “X”, Osmani ka shprehur mirënjohje për ndihmën e e Mbretërisë së Bashkuar, që Kosova ta mbajë kufirin të sigurtë.
Sipas saj, Serbia duhet të mbajë përgjegjësi.
“E vlerësova mundësinë për të informuar kryeministrin Rishi Sunak për situatën e sigurisë në Kosovë pas akti të agresionit të Serbisë. Ne jemi mirënjohës që forcat e Mbretërisë së Bashkuar po na ndihmojnë të mbajmë kufirin tonë të sigurt në mënyrë që të parandalojmë akte të mëtejshme agresioni. Serbia duhet të mbajë përgjegjësi”, ka shkruar presidentja Osmani.
Në qytetin Granada të Spanjës, Osmani po përfaqëson Kosovën në takimin e tretë të Komunitetit Politik Evropian (KPE) nismë kjo që përfshin 47 shtete, ku hyjnë 27 anëtaret e Bashkimit Evropian. /Teve1.info/
