Pika kufitare në Jarinjë dhe Bërnjakë po vazhdojnë të jenë të mbyllura që nga 24 shtatori, kur një grup i armatosur serb kreu sulm terrorist në veri të vendit, nga i cili një polic i Kosovës mbeti i vrarë.
Në pikën kufitare në Jarinjë edhe 9 ditë pas sulmit terrorist, njësitet e speciale të Policisë së Kosovës po vazhdojnë të monitorojnë situatën.
Nga pamjet e Tëvë1, shihet se në postbllokun e PK-së janë tre autoblinda dhe disa pjestarë të PK-së.
Situata në veri pas sulmit të së dielës aktualisht është e qetë, ndërsa që policia po vazhdon patrullimin në Banjskë.
