Policia e Kosovës, të hënën në Prishtinë ka arrestuar një 20-vjeçar nën dyshimin se ka kryer vepër penale “Vjedhje të rënda”.
Sipas policisë, rastet kanë ndodhur gjatë muajit shtator, në interval të ndryshme kohore.
Ndaj personit të dyshuar me vendim të prokurorisë së shtetit, ndaj tij është iniciuar procedurë për së paku 5 raste të vjedhjeve dhe vjedhjeve të rënda.
“Mbrëmë nga njësite policore të stacionit Veriu në Prishtinë, është arrestuar një person i dyshuar për disa vjedhje dhe vjedhje të rënda. Rastet kanë ndodhë në gjatë muajit shtator 2023, në intervale të ndryshme kohore, kryesisht në zonën e stacionit policor Veriu në Prishtinë. Puna e hetuesve të stacionit policor është finalizuar mbrëmë, ku pas marrjes së disa veprimeve operative kanë arrit që të arrestojnë personin e dyshuar: G.K, mashkull, 20 vjeç, shtetas i Republikës së Kosovës. Personi i dyshuar me vendim prokurorit të shtetit është dërguar në mbajtje, dhe ndaj tij është iniciuar procedurë për së paku 5 raste të vjedhjeve dhe vjedhjeve të rënda’’, thuhet në njoftimin e policisë.