Ministri i Mbrojtjes, Ejup Maqedonci dhe ministri i Bujqësisë Faton Peci do të raportojnë sot në komisionet përkatëse të fushave të Kuvendit të Kosovës.
Sipas njoftimit, ministri Maqedonci, do të raportojë në Komisionin për Çështje të Sigurisë dhe Mbrojtjes, duke filluar nga ora 11:00.
Kurse ministri Peci do të raportojë për çështjet që kanë të bëjnë me fushë veprimtarinë e kësaj ministrie, në Komisionin për Mjedis, Ushqim, Bujqësi, Planifikim dhe Zhvillim, nga ora 13:00.
Në këtë mbledhje po ashtu do të bëhet shqyrtimi i Projektligjit të Marrëveshjes në mes Republikës së Kosovës, e përfaqësuar nga MBPZhR dhe GIZ-GMBH, për Projektin Mbështetja për Zhvillimin e Qëndrueshëm të Sektorit të Bujqësisë në Zonat Rurale përmes Diversifikimit të Aktiviteteve.
“Ministri i Mbrojtjes, Ejup Maqedonci raporton në Komisionin për Çështje të Sigurisë dhe Mbrojtjes. (Kuvend, salla N303, ora 11:00). Ministri i Bujqësisë, Faton Peci raporton në Komisionin për Mjedis, Ushqim, Bujqësi, Planifikim dhe Zhvillim. mban mbledhjen e saj. (Kuvend, salla N302, ora 13:00)”, thuhet në njoftim./teve1.info./
