Situatë e qetë për momentin është duke mbizotëruar në Banjskë të Zveçanit, atje ku dje u sulmua Policia e Kosovës, me ç’rast mbeti i vdekur rreshteri Afrim Bunjaku, raporton teve1.info.
Sipas gazetarit të Tëvë1, Fidan Zejnullahu i cili po raporton nga atje, bëhet e ditur se Policia është duke monitoruar dhe duke kontrolluar çdo lëvizje në këtë fshat, derisa po kontrollohen edhe veturat e banorëve lokal të cilët siç tha ai, po lëvizin kohë pas kohe.
“Është hera e parë që kemi arritur të depërtojmë më thellë se nga pika që kemi raportuar dje. Këtu siç mund ta shihni është një postbllok i Policisë së Kosovës dhe është vendi ku ne nuk kemi të drejtë të shkojmë më tutje. Në këtë postbllok të Policisë së Kosovës, Njesiti Special po monitoron dhe po kontrollon çdo lëvizje që po vazhdon këtu, ndërsa për banorët lokal që po lëvizin kohë pas kohë po bëhet kontroll i plotë i veturave të tyre për hyrje apo dalje nga fshati. Policia e Kosovës ka nën kontroll gjithçka që po kalon këtu”, tha ai.
Ndryshe edhe kryetari i Zveçanit, Ilir Peci, ka thënë sot në Tëvë1, se situate në këtë komunë pas rastit të djeshëm, është paksa e zbehur por e qetë.
Derisa ka falënderuar pjesëtarët e Policisë së Kosovës për gatishmërinë e treguar gjatë ditës së djeshme./teve1.info./