Serbi nga grupi i armatosur i cili është plagosur dje nga Policia e Kosovës në Banjskë të Zveçanit është në gjendje të mirë shëndetësore.
Drejtori i Klinikës së Ortopedisë, Gani Jashanica për tëvë1.info ka thënë se ai ka dy plagë dhe është operuar nga ekipa kujdestare.
Gjendja e përgjithshme e tij është e mirë, e kam kontrolluar sot. Është operuar dje nga ekipi kujdestarë. I ka dy plagë. Femurin e ka të dëmtuar dhe kërcirin (pjesa nën gju), por është në gjendje stabile”, ka thënë Jashanica.
Ndryshe, ai është dërguar nga Spitali i Mitrovicës mbrëmjen e së dielës në QKUK për trajtim.
Tre sulmues u vranë në shkëmbimin e zjarrit mes policisë dhe grupit të armatosur, ndërsa dënimet për sulmin erdhën nga i gjithë bashkësia ndërkombëtare.
Pas reagimit të Policisë, ky grup i armatosur ishte ngujuar në Manastirin e këtij fshati ku nga aty sulmonte edhe Policinë e Kosovës.
Përleshja e Policisë së Kosovës me grupin e armatosur zgjati gjatë tërë ditës së diel, ku më pas policia arriti të marr nën kontrollon Manastrin, ku ishin ngujuar grupi i armatosur dhe Policia konfiskoi edhe disa armë e pajisje ushtarake të këtij grupi.