Gazetari i Teve1, Fidan Zejnullahu i cili po raporton nga fshati Banjskë i Komunës së Zveçanit ka bërë të ditur se situata atje është e qetë.
Sipas tij, për momentin janë duke u parë vetëm lëvizje të autoblindave të Njësive Speciale të Kosovës, të cilët siç tha ai, janë duke u larguar nga ky fshat.
Ai bëri të ditur gjithashtu se Policia e Kosovës, është duke i larguar nga fshati Banjskë, automjetet dhe motorët e konfiskuar të grupit të armatosur.
Kurse, gjatë gjithë ditës rruga që të dërgon në Manastirin e Banjskës ka qenë e mbyllur.
Ndryshe, ministri i Punëve të Brendshme të Kosovës, Xhelal Sveçla, tha se sulmuesit e Policisë së Kosovës në Banjskë të Zveçanit janë qytetarë rusë dhe serbë, teksa sipas tij, disa prej tyre janë nga organizata “Mbrojtja Civile”.
Teksa theksoi se aksioni i Policisë së Kosovës po vazhdon jashtë Manastirit të Banjskës./teve1.info./