Sonte në orën 19:00, para Stacionit Policor Qendër (rr. Luan Haradinaj) në Prishtinë, do të bëhet ndezja e qirinjve për policin e rënë në krye të detyrës, Afrim Bunjaku, raporton teve1.info.
Kështu ka bërë të ditur Qeveria e Kosovës në një komunikatë për media, teksa thuhet se në nderim të rreshterit Afrim Bunjaku kryeministri i Kosovës, Albin Kurti së bashku me anëtarë të kabinetit qeveritar do të ndezin qirinj.
“Sonte në orën 19:00, para Stacionit Policor Qendër (rr. Luan Haradinaj) në Prishtinë, bëhet ndezja e qirinjve për policin e rënë sot në krye të detyrës, Afrim Bunjaku. Në nderim të tij, Kryeministri i Republikës së Kosovës, Albin Kurti së bashku me anëtarë të kabinetit qeveritar do të ndezin qirinj.Ftohen të gjithë qytetarët që të marrin pjesë”, thuhet në njoftim.
Rreshteri policor Afrim Bunjaku u vra sot në një sulm në afërsi të fshatit Banjskë./teve1.info./