Një polic është vrarë e një tjetër ka mbetur i lënduar, sot në orët e para të mëngjesit si pasojë e sulmeve me armë në fshatin Banjskë të Leposaviqit, raporton teve1.info
Kryeministri i Kosovës, Albin Kurti, ka bërë të ditur se polici është vrarë nga sulmues profesionistë me maska e të armatosur rëndë.
Nga këto sulme i plagosur ka mbetur edhe një polic i njësisë kufitare, ku sipas njoftimit të Kurtit ai është jashtë rrezikut për jetën.
“Policia e Kosovës e ka njoftuar familjen e policit të vrarë A.B. Polici i plagosur është jashtë rrezikut për jetë. Ngushëllime familjes dhe të gjithëve për policin tonë të vrarë. Shërim të shpejtë e të plotë policit të plagosur”, ka njoftuar Kurti.
Teve1.info ka kontaktuar me Policinë e Kosovës, por të njëjtit nuk kanë qenë të qasshëm.
Lidhur me këto ngjarje teve1.info do të ju mbajë të informuar./teve1.info/
