Policia e Kosovës ka njoftuar se dje në Prishtinë është pranuar informatë për të shtëna me armë zjarri.
Bëhet e ditur se Policia ka dalë menjëherë në vendin e ngjarjes ku kanë gjetur dhe konfiskuar katër gëzhoja të cilat sipas policisë, dyshohet se kanë mbetur si pasojë e të shtënave me armë zjarri nga një veturë në drejtim të një veture tjetër.
Sipas njoftimit, nuk raportohet për të lënduar, teksa rasti është nën hetime.
“Njësitet policore pas pranimit të informatës për të shtëna me armë zjarri, kanë dalë në vendin e ngjarjes dhe kanë gjetur e konfiskuar 4 gëzhoja, të cilat dyshohet se kanë mbetur si pasojë e të shtënave me armë zjarri nga një veturë në drejtim të një veture tjetër, të cilat ishin larguar nga vendi i ngjarjes në drejtim të panjohur. Nuk raportohet për të lënduar, lidhur me rastin është informuar e konsultuar edhe prokurori. Rasti nën hetime”, thuhet në njoftim./teve1.info./
