Kryeministri i Kosovës, Albin Kurti, në Bruksel ka folur për sanksionet e BE-së ndaj Kosovës.
Kurti tha se deeskalimi në Kosovë ka ndodhur dhe se sipas tij, tashmë rruga është hapur që të hiqen sanksionet ndaj vendit.
“Deeskalimi ka ndodhur në Kosovë ne duhet të kemi kujdes që të mos ketë rieskalim dhe për këtë po bëjmë gjithçka që është e mundur, por edhe konfiskimi i armatimit edhe i armëve në veri edhe arrestim i kriminelëve, i të korruptuarve është në funksion të rendit dhe ligjit dhe kushtetueshmërisë dhe drejtësisë të cilat e ndihmojnë deeskalimin, për neve sundimi i ligjit në njërën anë dhe deeskalimi e siguria në anën tjetër nuk janë në kundërthënie, përkundrazi ato e ndihmojnë njëra-tjetrën.Meqë ka ndodhë ky deeskalim, meqenëse udhëzimi administrativ për të zbatuar nenin 72 të ligjit për vetëqeverisje lokale është nënshkruar nga ministri Elbert Krasniqi, rruga është e hapur që këto masa të padrejta që po e dëmtojnë shtetin më demokratik në Ballkanin Perëndimor, të hiqen përfundimisht”, tha Kurti.
