Kryeministri i Republikës së Kosovës, Albin Kurti, zhvilloi një takim me Ambasadorin e Francës në Kosovë, Olivier Guerot, me të cilin ndër të tjera diskutuan edhe për takimin e së enjtes i cili pritet të zhvillohet në Bruksel në kuadër të dialogut Kosovë-Serbi, raporton teve1.info
Sipas një komunikate për medie të Qeverisë, në takim u diskutua edhe për marrëdhëniet bilaterale, çështjet aktuale dhe për takimin e nesërm të nivelit të lartë në Bruksel, pritjet nga ai takim dhe për rëndësinë e zbatimit të plotë, të shpejt dhe pa kushte të Marrëveshjes Bazike dhe Aneksit të saj.
“Ambasadori Guerot e uroi Kryeministrin për kandidaturën e suksesshme për organizimin e Lojërave Mesdhetare 2030 dhe ofroi ndihmën dhe përvojën e Francës nga organizimi i këtyre lojërave në vitin 1993.
Kryeministri e mirëpriti gatishmërinë e Francës për mbështetje dhe tha që ne synojmë të mësojmë nga Franca dhe të bashkëpunojmë për organizim sa më të mirë”, thuhet në komunikatë.