Organizata e Veteranëve të Luftës (OVL) ka thirrur për sot një protestë gjithëpopullore, e cila do të mbahet në orën 12:00 në sheshin “Skënderbeu” në Prishtinë.
Protesta është thirrur për të kundërshtuar vendimin dënues të Gjykatës Speciale ndaj katër ish-udhëheqësve të Shtabit të Përgjithshëm të UÇK-së.
Të enjten, në një konferencë për media, nënkryetari i Organizatës së Veteranëve të Luftës, Gazmend Syla, deklaroi se protesta do të jetë paqësore. Ai theksoi se në protestë nuk do të ketë vend për dhunë apo për persona me maska.
