Deputetët e opozitës kanë mbajtur sot një seancë të jashtëzakonshme për të diskutuar rreth çështjes së teksteve shkollore.
Me këtë rast, shefi i Grupit Parlamentar të AAK-së, Besnik Tahiri thotë se qytetarëve iu është bërë një padrejtësi e madhe, përcjell teve1.info
Sipas tij, çdo sektor të cilin “e ka prekur” Qeveria dhe kryeministri Albin Kurti “kanë krijuar krizë”.
“Si opozitë jemi bashku për me kërku sqarim, njëkohësisht për me kërku një ballafaqim të së vërtetës, mes neve si thirrës të kësaj seance, që besojmë që është bë një padrejtësi e madhe te një numër i madh i qytetarëve të Kosovës, në raport me obligimin ligjor që kjo Qeveri e ka me i siguru tekstet mësimore…e vërteta është se kudo, në cilin sektor që kjo Qeveri dhe ky kryeministër ka prek, aty ka qenë dështimi. Veç mendoni pak, prekne kokën, prej temave më të thjeshta që lidhen me ligjet bazike, si ato të pagave, e të pagës minimale, të ekonomisë, insfrastrukturës, zhvillimit, raportet me partnerët ndërkombëtarë…kudo që kanë prek, krizë kanë krijuar”, deklaroi ai në Kuvend.
