Tetë persona janë arrestuar nën dyshimin se të njëjtit janë përfshirë në vrasjen që ndodhi dje në Malishevë, ku një 29-vjeçar mbeti i vdekur pasi u qëllua me armë zjarri.
Policia bën të ditur se të dyshuarit janë dërguar në mbajtje, përcjell teve1.info
Sipas njoftimit, në vendin e ngjarjes është konfisuar një pistoletë.
“Pas një mosmarrëveshje në mes të dy grupeve, të dyshuar meshkujsh kosovar, njëri prej tyre dyshohet se ka qëlluar me armë zjarri viktimën mashkull kosovar duke i shkaktuar lëndime vdekjeprurëse, vdekjen e të cilit e ka konstatuar ekipi mjekësor. Në vendin e ngjarjes është konfiskuar një pistoletë si dëshmi materiale, ndërsa janë arrestuar tetë të dyshuar meshkuj kosovarë të cilët pas intervistimit me vendim të prokurorit janë dërguar në mbajtje, ndërsa trupi i pajetë është dërguar në IML për obduksion”, njofton Policia.
Vdes një person në Malishevë, dyshohet se u qëllua me armë zjarri