Sot në ditën e parë të vitit të ri shkollor, kryetari i AAK-së, Ramush Haradinaj ka vizituar sot shkollën më të vjetër në Suharekë, me ç’rast ka takuar personelin dhe nxënësit.
Me këtë rast, Haradinaj ka thënë se është emocionuar kur ka parë nxënësit në hapat e tyre të parë, përcjell teve1.info
“Bashkë me kryetarin dhe deputeten Albana Bytyqi, po ashtu vizituam shkollën më të vjetër në Suharekë, shkollën fillore “7 Marsi”, me ç’rast takuam personelin dhe nxënësit. Sot më shumë se çdo herë u emocionova teksa pashë nxënësit në hapat e tyre të parë në një botë me plot mundësi. Nxënësve ju thashë se jemi bashkë me ta, mësimdhënësit dhe prindërit, në synimin tonë drejt rritjes së cilësisë së arsimit dhe ndërtimin e një të ardhme më të ndritshme për vendin. Urime nxënës, mësimdhënës e prindër të dashur!”, ka shkruar ai në Facebook.