Al Ittihad nuk fal asgjë, me kampionët në fuqi të cilët regjistruan fitoren e katërt në po kaq ndeshje.
Ekipi i Espirito Santo-s koleksionoi suksesin e radhës në transfertën e Al Wehda me rezultatin 0-3.
Al Ittihad zbriti në fushën e lojës me “arsenalin” e rëndë, me Benzema, Fabinho, Kante, ndërsa në fundin e pjesës së parë, ish-sulmuesi i Real Madrid, Benzema u zëvendësua nga Jota.
Pjesa e parë nuk prodhoi gola, ndërsa në pjesën e dytë, Al Ittihad zhbllokoi rezultatin me Romarinho në minutën e 63-të, ndërkohë që katër minuta më pas dyfishoi portugezi Jota.
Llogaritë e takimit i mbylli Coronado me golin e shënuar në minutën e 73-të.
Me këtë sukses Al Ittihad kryeson me pikë të plota, 12-të, ndërsa Al Wehda mbetet me 6-të pikë.
Në takimin tjetër, Al Hilal triumfon në javën e katërt në Saudi Pro League, me skuadrën e Jesus që fitoi 2-0 përballë Al Ettifaq, skuadrës së Gerrard.
Vendasit shënuan golat në pjesën e parë, me Malcom fillimisht në minutën e 24-të, ndërsa golin e dytë e realizoi Al Dawsari në minutën e 41-të.
Al Hilal shkon kështu në kuotën e 10-të pikëve, ndërsa Al Ettifaq mbetet me 7-të pikë.
