Ministri i Punëve të Jashtme të Maqedonisë së Veriut, Bujar Osmani ka reaguar pasi ministri serb i mbrojtjes, Millosh Vuçeviq, tha se Mali i Zi e Maqedonia do të goditen sikur Ukraina, pasi që e kanë njohur pavarësinë e Kosovës.
Osmani ka thënë se Maqedonia e Veriut refuzon ndërhyrjet e papërshtatshme nga zyrtarët fqinjë.
Përderisa ka shtuar se po pret sqarim nga ministri serb, Vuçeviq.
“Maqedonia e Veriut refuzon ndërhyrjen dhe vërejtjet e papërshtatshme nga zyrtarët fqinjë. Ne qëndrojmë për stabilitet dhe bashkëpunim rajonal, duke përfshirë Serbinë dhe Kosovën. Në pritje të sqarimit nga ministri i Mbrojtjes i Serbisë”, ka shkruar Osmani.
