Mërgimtarët pasi kanë kryer pushimet në vendlindje po kthehen në shtetet ku jetojnë.
Por, përveç se i pret një rrugë e gjatë ata duhet të presin shumë edhe për të kaluar kufirin.
Kjo, sepse vetëm një korsi është funksionale.
E për ketë, mërgimtarët thonë se zgjidhje do të ishte funksionalizimi i me shume korsive.
“Qe nja një orë e gjysmë jemi duke pritur këtu, edhe shumë vështirë është, është shumë kolonë e madhe. Zgjidhja: edhe dy-tri traka me i hap më mirë do të ishte”, tha një qytetar nga Suhareka.
“Përafërsisht nja dy orë. E vështirë është sidomos kur janë temperaturat e larta, edhe është maltretim, se ne edhe jemi lodhë këtu në pushime, edhe kemi rrugë të gjatë dhe duhet të presim këtu nëpër kufij. Është goxha e vështirë. Zgjidhja: po e shoh këtu është duke punuar vetëm një shallter , kishte me qenë më mirë sikur të punonin dy ose tre, e tani përshpejtohet procedura”, tha një mërgimtar nga Zvicra.
Njohësi i komunikacionit, Bekim Ahmeti thotë që duhet të krijohen më shumë kushte komunikacioni për mërgimtarët, që të kenë sa më të lehtë rrugën që bëjnë.
“Përveç se është problem politik, dhe problemet dihet që i kemi mirëfilli me Serbinë, problemet tjera janë; edhe inxhinierike, nuk po e di tash me çfare kapaciteti po punon policia jonë aty, mirëpo do duhej që të punohet me kapacitet të plotë dhe të shtohen edhe kioske të tjera që zbrazja sigurisht tash kemi më shumë problem në zbrazje, sesa në ardhje, zbrazja apo largimi prej Kosovës, i qytetarëve tanë që shkojnë në diasporë, të jetë sa më e shpejtë kur krijohen edhe mundësi sa më të mëdha, të kemi kabina sa më shumë, të kontrollave të pasaportave. Mirëpo problematika tjetër kryesore është aty edhe ndërtimi i rrugës, pastaj edhe rruga vetëm një korsi vajtje-ardhje, që e bllokon apo e ngadalëson bukur shumë atë rrugë”, tha ai.
Ekipi i teve1 për këtë çështje ka kërkuar përgjigje nga Ministria e Punëve te Brendshme dhe nga ajo e Infrastrukturës, mirëpo nuk ka marrë përgjigje.
Kronika e gazetares Riga Gjata.
