Pa gola është mbyllur pjesa e parë e duelit të parë të rrethit të tretë kualifikues të Ligës së Konferencës ndërmjet Ballkanit dhe Lincoln Red Impsit të Gjibraltarit.
Ballkani e dominoi 45 minutëshin e parë.
Rrezikoi me Nazmi Gripshin, Meriton Korenicën e Almir Kryeziun.
Shënoi gol me sulmuesin Albin Berishën pas gjysmë ore lojë, por gjyqtari anësor pa pozitë jashtë loje dhe goli u anulua.
Berisha po luan titullar pas largimit të Albion Rrahmanit.
Ndërkohë, mesfushori i talentuar, Lindon Emërllahu, mungon shkaku i lëndimit.
Rast të mirë pati Armend Thaqi në fundin e pjesës së parë, por gjuajtja e tij nga afërsia u devijua.
Fituesi i këtij çifti pas dy ndeshjeve, do të luajë me humbësin e duelit Sheriff Tiraspol – BATE Borisov në plejofin e Ligës së Konferencës.
Sheriff Tiraspoli i Moldavisë të enjten mbrëma fitoi 5:1 ndaj BATE Borisovit bullgar, në ndeshjen e parë të rrethit të tretë kualifikues të Ligës së Evropës.
