Gjykata Themelore e Prishtinës ua ka caktuar masën prej një muaj paraburgim tre të dyshuarve në rastin për rastin e së premtes, ku një person mbeti i vdekur pas të shtënave me armë zjarri.
Lajmin për teve1.info e ka konfirmuar zëdhënësja e kësaj gjykate, Mirlinda Gashi.
Të dyshuar lidhur me rastin përveç Andi Pajazitit, i njohur me nofkën “italiani” janë edhe Hysni Geci dhe Gzim Zakuti.
Të premten si pasojë e një incidenti mbeti i vrarë një 39-vjeçar dhe me armë zjarri janë plagosur katër meshkuj, ndërsa si pasojë e thyerjeve të gotave dhe shisheve të qelqit kanë mbetur të lënduar 14 vajza dhe tre meshkuj.
Në këtë rast ku janë përfshirë dy grupe, Prokuroria ka thënë se të gjithë të dyshuarit personat është konstatuar se kanë të kaluar kriminale.
Një nga të dyshuarit për këtë rast gjendet në arrati.
