Futbollisti, Zymer Bytyqi është zyrtarisht futbollist i ri i skuadrës turke Antalyaspor.
Sulmuesi kosovar ka kompletuar transferimin në superligën turke nga Olympiacos.
Bytyqi ka nënshkruar një kontratë tre vjeçare me skuadrën bardhekuq ku do të jetë pjesë e tyre deri në qershor të vitit 2026.
Gjatë gjashtë muajsh të kaluar në Olympiacos ku nuk arriti të luante shumë, Bytyqi tani ndihet i lumtur për rikthimin në Turqi.
“Jam i emocionuar që jam pjesë e Antalias dhe këtij klubi dhe do të luftoj për këto ngjyra”.
“Do të bëj maksimumin që të jem i suksesshëm këtu”, deklaroi sulmuesi kosovar për faqen zyrtare të klubit turk.
Për reprezentuesin kosovar është rikthim në Superligën e Turqisë ku shkëlqeu me fanellën e Konyaspor për tre vite. Te Antalyaspor, Bytyqi ka gjetur bashkëkombësin e tij Amar Gërxhaliu.
✍️ Zymer Bytyqi imzayı attı!
Fraport TAV Antalyaspor’umuz, bu sezonun dördüncü transferini Zymer Bytyqi ile gerçekleştirdi. Kosovalı milli futbolcu, kendisini 3 yıl için renklerimize bağlayan resmi imzayı attı. Atilla Vehbi Konuk Tesislerimizde gerçekleştirilen imza törenine… pic.twitter.com/aOoP7158cQ
— Bitexen Antalyaspor (@Antalyaspor) August 1, 2023