Deputetja e LDK-së, Hykmete Bajrami, ka thënë se kryetarët e komunave veriore, për të cilët sipas saj Kosova u fut në sanksione të ndryshme ndërkombëtare, tashmë po bëhen gati që sipas Bajramit “turpshëm” të largohen nga këto pozita, raporton teve1.info
Këtë reagim në Facebook, deputetja Bajrami e bëri pas vendimit të Qeverisë për përgatitjen e një Udhëzimi Administrativ për shkarkimin e katër kryetarëve shqiptarë të komunave veriore me shumicë serbe.
Sipas saj, qëndrimi i Lulzim Hetemit për muaj të tërë i ngujuar në zyrën e tij në Leposaviq është bërë sa për statistika të partisë në pushtet, derisa thotë se i dhimbset për keqpërdorimin që i është bërë nga partia në pushtet pasi është vëlla i dëshmores Fatime Hetemi.
“Tash turpshëm po bëhen gati të dorëzohen. Dorëzimi i tyre po ndodh pasi Kosovës iu vendosën sanksione dhe së fundmi edhe delegacione të rëndësishme amerikane po i shtyjnë vizitat në Kosovë.
A ja keni tregu kryetarit Hetemi vendimin 02-619, të datës 31.07.2023, të Ministrisë së Administrimit të Pushtetit Lokal?
”VENDIM
Për caktimin e Grupit Punues për hartimin e Udhëzimit Administrativ për caktimin e procedurave për iniciativën e qytetarëve për largimin e kryetarëve të komunave”…shih vendimin në foto.
”SOVRANITIETI vs sovlaniteti””, ka shkruar ndër të tjera Bajrami.