Një qytetar është arrestuar dhe dërguar në mbajtje, pasi i ka penguar zyrtarët komunal në largimin lodrave nga sheshi në Ferizaj, raporton teve1.info
Sipas raportit policor, inspektorët ishin në një operacion inspektimi dhe largimi të disa lojërave për fëmijë nga sheshi, derisa i dyshuari i ka ofenduar dhe penguar në kryerjen e detyrës zyrtare.
Me vendim të prokurorit, i dyshuari është dërguar në mbajtje.
“Rr. “Dëshmorët e Kombit”, Ferizaj 26.07.2023 – 14:00. Është arrestuar i dyshuari mashkull kosovar, pasi që ka ofenduar dhe ka penguar në kryerje të detyrës zyrtarët komunalë, derisa ishin në një operacion inspektimi dhe largimi të disa lojërave të fëmijëve nga sheshi. Pas intervistimit me vendim të prokurorit i dyshuari është dërguar në mbajtje”, thuhet në komunikatë.