Përfaqësuesja e Danimarkës në basketboll është në epërsi minimale ndaj Kosovës pas dy çerekëve të parë në ndeshjen që po luhet në kuadër të rundit të tretë parakualifikues për “Eurobasket 2025”.
Në ndeshjen që po luhet në Naestved dhe i takon Grupit H, rezultati është 44:43 në favor të Danimarkës. Edhe pse danezët startuan furishëm dhe ishin në epërsi 13:0 pas gjashtë minutave lojë, basketbollistët e Kosovës reaguan në çerekun e dytë për t’u rikthyer fuqishëm.
Çereku i parë i takoi Danimarkës që e fitoi me shifrat 27:16, ndërsa të dytën e fitoi Kosova me rezultatin 27:17.
Më efikasi te Kosova pas pjesës së parë, është kapiteni Dardan Berisha që ka shënuar 13 pikë, ndërsa Musab Mala ka shtuar 9 sosh. Te Danimarka, Jones Zohore ka 11 pikë kurse Gabriel Lundberg ka shënuar 9 pikë.
