Policia e Kosovës, ka thënë se nuk ka ndonjë rast të raportuar për kërcënim, përveç ndonjë komenti të caktuar ndaj policëve nga komuniteti serbë, të cilët kanë filluar punën në veri.
Këtë e ka bërë të ditur për teve1.info, Bajram Krasniqi nga Zyra për Informim e Policisë të pyetur për raportimet në media e rrjete sociale në Serbi, ku janë publikuar emrat e disa pjesëtarëve të PK-së nga radhët e komunitetit serbë të cilët kanë filluar punën.
“Referuar kërkesës suaj ju informojmë se në Drejtorinë Rajonale Mitrovicë Veri, kanë filluar 74 zyrtare policorë të komunitetit serb dhe të tjerë. Ata janë te shpërndarë në mbarë Veriun e Kosovës në varësi të nevojave të stacioneve. Sa i përket qështjeve e tjera nuk ka ndonjë informacion apo rast te raportuar, përjashtuar ndonjë koment te caktuar”, ka thënë Krasniqi.
74 policët e rinj nga komunitetet, prej tyre 45 serbë që diplomuan ditë më parë, e kanë nisur punën të hënën.
