Borussia Dortmundi ka forcuar mesfushën duke firmosur të hënën me austriakun Marcel Sabitzer. 29-vjeçari ka firmosur kontratë të vlefshme deri në verën e vitit 2027. “Marceli është lojtar me përvojë që ka luajtur në nivelin e e lartë ndërkombëtar për shumë vjet.
Ai përshtatet plotësisht me profilin që kemi kërkuar, mesfushor qendror që kontribuon në aspektin ofenziv dhe defenziv”, ka thënë drejtori sportiv i Dortmundit, Sebasian Kehl. Sabitzer është transferuar nga Bayern Munichu, ndërsa është zëvendëskapiten i Austrisë.
Ai ka 185 paraqitje në Bundesligë për Leipzigun dhe Bayernin. I ka edhe 32 ndeshje në Champions.
Edicionin e kaluar ishte i huazuar te Manchester Unitedi. “Mezi pres të bashkohem me ekipin dhe të veshi fanellën. Bisedimet ishin të shkëlqyera dhe drejtuesit e klubit më treguan se sa ambiciozë do të jenë në vitet e ardhshme. Do të kryej punën time që Dortmundi të arrijë synimet”, ka thënë Marcel Sabitzer.