Drejtori i Bujqësisë në Komunën e Malishevës, Sylë Dukolli, ka folur për dëmet e shkaktuara nga breshëri gjatë ditës së diel në këtë komunë.
Sipas Dukollit, ende nuk mund të dihet vlera e dëmeve materiale sepse siç tha ai, fillimisht do të bëhet parashikimi i buxhetit.
“Tani nuk mund të bëj spekulime në këtë drejtim sepse do të bëhet parashikimi i buxhetit. Realisht që disa vite, më duket viti i dytë që nuk po bëhet. Nuk e di nuk mund të them asgjë, por brenda planifikimit buxhetor që e ka drejtoria jonë nuk mund të kompensojë këtë dëm, kështu që do t’i drejtohemi komisionit qendror”, tha ai në emisionin “Ditari” në Tëvë1.
Kurse sa i përket bashkëpunimit në aspektin buxhetor me Ministrinë e Bujqësisë, Dukolli tha se ende nuk ka të paktën as një projekt të cilin e ka subvencionuar kjo ministri.
“Bashkëpunimi sa i përket pjesëve të buxhetit, neve nuk na kanë subvencionuar as edhe një projekt të vaçantë që të vije të thotë këtë e keni prej Ministrisë së Bujqësisë. Por realisht e kemi të mangët buxhetin e vogël që drejtoritë e kanë në kuadër të komunës, sepse ne nuk kemi buxhet që mund t’i dalim në ndihmë sikurse ata që munden me grante”, tha Dukolli.
Teksa tha se “ jam duke kërkuar të shohë a ka dikush nga fermerët që ka fituar të paktën ndonjë grant në drejtim të Ministrisë së Bujqësisë, e që ne nuk jemi të njoftuar, të paktën unë nuk e di”.
Ndryshe, në njoftimin e komunës dje, është bërë e ditur se si pasojë e stuhisë janë dëmtuar në masë të madhe kulturat bujqësore, serrat dhe të mirat tjera materiale./teve1.info./