Të enjten Dukagjini i Klinës nis garën në raundin e dytë kualifikues të Ligës së Konferencës. Pasi e kaloi Europan e Gjibraltarit në rundin e parë, Dukagjini për kundërshtar e ka skuadrën e njohur kroate, Rijeka. Ndeshja e parë zhvillohet në “Fadil Vokrri” në Prishtinë nga ora 19:00. Ndeshja e dytë është më 3 gusht në stadiumin “Rijevica” në Rijekë.
Natyrisht, Rijeka është kundërshtare dukshëm më cilësore se Europa e Gjibraltarit. Futbolli në Kroaci është nivel krejt tjetër krahasuar me futbollin në Gjibraltar.
Rijeka të shtunën nis edicionin 2023/2024 në kampionatin e Kroacisë. E nisi furishëm – me fitore 4:0. Në hapje të kampionatit, Rijeka fitoi bindshëm ndaj Rudeshit, që drejtohet nga legjenda Robert Prosineqki. Rudeshi u promovua në elitë, por në ndeshjen e parë humbi thellë në Rijekë.
Kundërshtarja e ardhshme e Dukagjinit, Rijeka, kishte përkrahje të zjarrtë nga tribunat e stadiumit. Ndeshja u zhvillua para 5000 shikuesve. Te Dukagjini e dijnë që do të jetë e vështirë, pasi edhe futbollisti Iljasa Zulfiu premtoi se do të japin me të mirën, por pranoj se do të jetë e vështirë kalimi në turin tjetër.
“Do të japim më të mirën. Të gjithë lojtarët do të angazhohen maksimalisht. Rijeka është ekip i madh me lojtarë të njohur dhe do të jetë vështirë. Por natyrisht do të bëjmë çdo gjë për paraqitje sa më të mirë”, ka thënë Iljasa Zulfiu, sulmuesi i krahut i Dukagjinit
