Temperaturat në fillimin e javës së ardhshme mund të shkojnë deri në 40 gradë celsius, në disa vende në Kosovë.
Sipas Prishtina Weather, deri të enjten temperaturat mesatare në vendin tonë pritet të luhaten mes 17 dhe 38 gradë Celsius.
Megjithatë, ato pritet të zbresin nga e enjtja.
“Java e fundit e korrikut do të filloj me mot shumë të nxehtë dhe kryesisht me diell. Temperaturat të martën mund të arrinë edhe deri në 38C, e lokalisht t’i afrohen edhe 40C. Si zakonisht, pas çdo të nxehti ekstrem, masa të freskëta ajrore nga veriu do të depërtojnë mbi vend nga dita e mërkurë dhe enjte, që zbresin temperaturat edhe deri në 23C, ditën e enjte. Të mërkurën më vonë pasdite kalojnë mbi vend rrebeshe me bubullima, derisa riga lokale shiu mund të vazhdojnë edhe ditën e enjte. Për të premten temperaturat shënojnë një rritje, e parashihet të mbajë mot kryesisht me diell”, njoftohet nga Prishtina Ëeather.
Rekomandohet që në orët e mesditës nga 10 deri 16, qytetarët t’i ikin kontaktit me rreze të diellit.
