Një person është arrestuar në Prishtinë, nën dyshimin se është paraqitur rrejshëm si zyrtar i Agjencisë së Kosovës për Inteligjencë (AKI), për t’i marrë para një personi tjetër duke i premtuar se do ta punësonte në këtë institucion.
Sipas raportit 24-orësh të Policisë së Kosovës, i dyshuari, shtetas kosovar, dyshohet se që nga viti 2025 është prezantuar si zyrtar i AKI-së dhe në vazhdimësi i ka kërkuar para viktimës, gjithashtu shtetas kosovar, në këmbim të premtimit për punësim.
Pas intervistimit nga organet e rendit, i dyshuari është dërguar në mbajtje me vendim të prokurorit.
Rasti është duke u trajtuar nga organet kompetente.
